長毛二號之大家都姓梁

屋企有個長毛二號(又常被稱維園阿伯，唔係，係維園阿哥先啱)，當我每晚坐喺梳化睇新聞時，我都誤以為自己睇緊港台嘅頭條新聞，因為旁邊總有把聲音喺度嬉笑怒罵咁發表政見，又時不時諷刺下時弊，令本來對政治不太感興趣嘅我喺呢位長毛二號耳濡目染下，對各政治議題多咗好多認知，亦都開始關注我哋呢個俾阿爺操控住嘅無能政府，以至近期日日新鮮日日甘嘅選舉新聞。又有時，放工返屋企食飯，想輕輕鬆鬆坐喺度食餐飯睇下新聞，又會無啦啦被問及"你支唔支持雙普選?" "你係咪反對23條立法?""你覺得應唔應該平反六四?"(大佬,我同你一齊去燭光晚會架喎) "你反雙非孕婦來港產子，係咪?" "你覺得係咪應該廢除功能組別?"等等等等......彷彿我變成坐喺《城市論壇》台上嘅親建制派人仕，被台下嘅長毛質問到我口啞啞...（長毛，唔好卒我。比我靜靜地食餐飯)


但其實我覺得咁樣幾好，基本上我唔洗睇電視新聞，又唔洗睇蘋果動新聞，返到屋企自自然然就知道哂每日頭條，仲有埋社評添，慳返唔少時間！唔該哂梁議員！

How's my weekend?

週末，待在家中太悠閒，實在要找點事幹...繼早前在露台種香草，種蕃茄種南瓜，做了園丁日日澆水等收成之後，我又要找點別的事情打發時間...

打開電視，見到Nigella喺TLC主持烹飪節目，穿著緊緊的小背心加上一把唔知點解要咁磁性的聲線，在燈光微弱的廚房裡依依呀呀的說著"ummmm....yummy......that's soooooo delicious...."三兩下手勢便做了個好似真係好好味的chocolate fudge cake....於是...便激發我整餅的慾望!

前陣子我精心炮製的chocolate almond cookies，味道跟賣相挺不錯。

今回就決定做blueberry cupcakes! 花了近45分鐘焗製出脹卜卜的小cupcake，然後在cupcake上繞上漂亮的lemon cream cheese frosting 與fresh berries :) 嘻！好看又好吃! Baking is fun!! :D

剛出爐的cupcake 香噴噴:D

homemade afternoon tea

甜甜的cheese frosting

切開了流出blueberry juice...哈!