每朝早都要花整整一個鐘先出到門口, 因為要......沖咖啡, 煮早餐, 睇香港早晨。然後換衫, 除衫, 再換衫, 仲要襯番個手袋...同對鞋。化個粧吹個頭, 塗點香水, 終於出門口, 落到樓下先發覺竟然唔記得帶...耳環, 拿拿林走番上去攞對好緊要嘅耳環, 轉頭又裙拉褲甩咁跑番落去。著住對四吋高嘅高踭鞋跑上跑落, 我已經唔係第一次仆落大堂嘅樓梯, 看更都視作若無其事。
幾經辛苦先趕上電車, 叮叮叮叮返工去。
忙碌一日, 又叮叮叮叮返番嚟。
落粧沖涼敷mask又吹頭, 仲要諗定聽日著乜搽定指甲油。
吃點水果, 看看電視, 又係時候要瞓覺。
臨瞓前記緊要搽eye cream, hand cream潤唇膏...實在...太多嘢要做。
女人,
就係咁。
