我係闊太Partly。
唔洗鬧鐘, 唔洗趕頭趕命追巴士, 唔洗捱更抵夜, 唔洗返工等放工, 日日好似weekend咁, 你都咪話唔梳乎!
每朝起身諗下 "今日做咩好?" "食咩早餐呢?" 聽住歌食個Homemade Brunch, 再去馬場跑步, 返嚟沖個靚涼, 又夠鐘食high tea, 去Landmark定去PP呢? 不如順便shopping消磨吓時間...再唔係留喺屋企睇吓啲買咗十年但又冇時間睇嘅DVD, 又或者搽吓指甲油, 敷個mask, 再唔係就怖置吓間新屋, 煮吓嘢食咁, 仲可以去Clubhouse游吓水, 坐喺沙灘椅度睇書, 幾咁有益身心, 呢啲先叫好生活。
嗱, 呢種感覺好奢侈, 真係好奢侈, 有錢人都未必個個做到。不過呢種感覺好唔真實, 中間仲夾雜住啲不安...
人生並唔係有好多時間可以咁樣度過, 所以我其實應該好好珍惜, 做哂啲平時想做但又冇去做嘅嘢 (其實唔多, 因為我平時都已經係想做就去做)唯獨是有樣嘢, 我窮一生精力都係為咗做呢件事(奈何大部份時間都係諗多過做)
就係去旅行!!!!!! 我要去旅行!!!!!!!!!!!!!不如一個人去旅行??!!我要去北歐!!我要去希臘!!我要去Barcelona!!!!!(若然我真係一位闊太, 要做呢件事簡直係易如反掌!猶如家常便飯!!)
不過我而家都係唔好發夢, 諗吓點過日辰好過...
對呢種悠閒嘅生活又愛又恨, 想快啲過新生活, 但又更想繼續好似依家咁百無聊頼日日等運到, 做人真係好矛盾。
