第二年去六四燭光晚會
「毋忘六四，繼承英烈志。薪火相傳，接好民主棒。」
維園 6月4日嘅夜空, 平反六四嘅口號又再響徹雲霄。當13億中國內地人民仍唔能夠公開哀悼六四死難者, 同一天空下, 剩餘丁點民權自由嘅香港人更加要珍惜自由嘅星火。
縱然今年紀念六四活動受到前所未有嘅政治打壓, 但仍無阻支聯會同全港人平反六四嘅決心。
我覺得好感動。香港人整整21年聚集維園高呼平反六四, 已經唔係簡單咁要求政府認錯, 而係對中共表達不滿, 希望中國落實真正民主。十幾萬人一邊唱一邊搖動蠟燭上的火苗, 真係好感動。
我又覺得好感傷。點解自己嘅祖國咁可恥, 做咗又唔認, 仲試圖用墨寫嘅慌言去掩蓋血寫嘅事實。「若堂堂世界強國，連少許的異議聲音尚且不容，叫中國人民怎能抬起頭來？」
其實我真係有啲想喊。
雖然今年先係第二年參加, 有心唔怕遲。
華叔, 明年維園再見!
