太耐啦...我俾人縛得太耐啦, 我嘅負能量積累得太耐啦, 我等呢一日, 等得太耐啦...
(Background Music-Halle Halle Hallelujah...Halle Halle Halleluejah...)
呢個唔合理嘅世界, 已經俾我反轉哂。大家起嚟, 支持8月31日美術總監獨立日, 一齊辭職歎世界!
從未試過咁期待一個Last Day。
經過一個多月嘅刻苦工作, 我完成咗整整一年嘅工作量。換嚟嘅係一雙更黑更大嘅眼......圈與眼袋, 仲有失眠同胃痛。
辛苦? 未算。我嘅同事們比我更hard core, 日日對住部電腦十幾廿個鐘, 不眠不休, 費寢忘餐, 實在勞苦功高。
而我, 只算得上係最懶嘅一位。唔好意思, 我真係需要休息同丁丁丁點兒嘅私人空間, 都唔算太奢侈吖。若果我再做多一陣, 我諗好快就壽終正寢...
等咗咁耐, 今日, 終於解放啦。
終於可以搭叮叮返屋企啦, 終於可以趕得切睇晚間新聞啦, 終於可以食番餐好啦, 終於可以有覺好瞓啦...
各位晚安!
