但呢半年我背後被人"小"的次數就如樓市般火速飆升，打從我做咗P牌仔之後 -_-"
(設計對白) 「“小”你老母，行快啲啦，死P牌...x@$%yZ#%@$#%*&」司機們猶如中伏般咆哮著。
其實我都唔算行得好慢，學啲燥狂人話齋 "咁急趕住去死咩?"
雖然好想快啲擺脫個"死P牌"，但其實有個P牌喺度，其他駕駛者可能會“小”得冇咁金...起碼唔會“砵”得咁大聲先 XD
而當被人爬頭嘅時候，我要緊記一樣嘢! 好緊要! 就係千祈千祈唔好同個司機有眼神接觸! 正所謂“面就人地俾，架就自己丟” 你一望過去就輸了...只要一直望住前面就可以保得住面子了 :D 嘿嘿!
雖然話香港嘅司機大部份都好燥底，過燈遲咗千分之一秒就會被人“砵”，但最近竟然俾我遇上一個超級好人嘅的士司機...係，竟然係的士司機! 話說我要打燈cut右線，通常啲死人的士佬見到人要cut線就會再踩油唔比你攝入嚟，但今次個司機竟然伸出(援)手示意我行先，我急忙駛到右線等候過交通燈，而那好心司機就喺我左邊，我不忘點頭一下道謝，他也回我一個殷切嘅笑容 )*o*( 一陣暖意湧上心頭，他太好人了! 真係要頒個好市民獎俾佢! 如果其他司機都好似佢咁就好lu，小妹我揸車時都輕鬆啲啦，哈哈 ^_^
