與神對話

有冇發覺一對情侶喺日常生活裡有好多對話都係會經常重覆?
尤其是鬧交嗰陣xxxx....

例1:

B: 喂, 你唔可以咁㗎喎!  or  喂, 你咁唔得㗎喎! (語氣頗重, 帶責備成份!)

N: 妖! 咁點先得呀?!! 

例2:

B: 點解你成日都唔聽人講架啫?

N: 我點解要聽你講呀?

例3:

N: 唉! 費事同你講, 唔想鬧交, 好煩! (已經好唔耐煩)

B: 喂, 唔得, 要講清楚, 唔可以掉低個問題唔解決!

N: 都話唔想講咯!! (開始火滾)

(重覆例1)

例4: (駕車時)

B: 喂, 前面嗰條街叫咩呀? 我係咪下個街口轉右呀?

N: 我點知啫? 我又唔係GPS!

B: 喂, 你唔可以咁㗎喎! 幫手睇吓啦! （極度焦躁)

N: 咪睇緊囉xxx!!!!

例5:

N: 你可唔可以控制吓你嘅情緒!

B: 你可唔可以控制吓你嘅情緒!!!

例6:
B: 你好唔理人感受!
N: 你都好唔理我感受!
B: 我點唔理你呀?!
N: 咁我又點唔理你呀?!
B+N:....................

例7:

B: 做乜又黑口黑面呀?

N: 我冇喎! (我真係冇!)

B: 咁仲唔係黑口黑面??

N: 都話冇咯!!係你成日都覺得我黑口黑面之嘛!!
    你夠黑口黑面啦! （加強語氣）

B: 我邊有呀!!

 

例8:

B: 港女!

N: 毒男!

例9:

B: 你唔好句句都咁offensive啦!

N: 吓??!我邊句offense到你呢??!（好有禮貌地反問）

B: 你個樣好藐視。
N: 吓?...
B: 你啲語氣根本就係寸人。
N: 我完全冇咁嘅意思!
B: 我又冇得罪你, 你態度應該好啲。
N: 你根本就係對我有偏見!!

(重覆例3+例1)

B+N: x@#~!&*&^%......